Monday, January 18, 2021
Home > special_one > ट्युसन पढ्न गएका एक किशेार तीन दिनदेखि बेपत्ता

ट्युसन पढ्न गएका एक किशेार तीन दिनदेखि बेपत्ता

बुटवल । तिलोत्तमा नगरपालिका-१ स्थित दुर्गादत्त स्थित दुर्गादत्त शंकरनगर माविमा  अध्यायनतर १५ वर्षका छात्र तीनदेखि बेपत्ता भएका छन् ।विद्यालयमा ट्युसन पढ्न गएका युनिस गिरी शनिबार बिहान ७ बजे बेपत्ता भएका हुन् ।

उनी ट्युसन पढेर सकेपछि ९ बजेतिर युनिस विद्यालयबाट घरतर्फ गएका विद्यालयले जनाएको छ । सेतोमा नीलो धर्का भएको सर्ट, जिन्स पाइन्ट र चप्पल लगाएर युनिस ट्युसन पढ्न गएका थिए । युनिस सानैदेखि तिलोत्तमा १ चपरहट्टीस्थित मामाको घरमा बसेर पढ्दै आएका थिए ।

युनिसका बुबाको केही वर्षअघि मृत्यु भइसकेको छ । आमा हेमा गिरीले पोखरामा विवाह गरेर उतै बस्दै आएकी छन् । युनिस हराएपछि वडा प्रहरी कार्यालय बुटवलमा खोजी गरिदिन निवेदन दिएको तर तेस्रो दिनसम्म कुनै अत्तोपत्तो नलागेको युनिसकी सानीआमा गीता पौडेलले बताइन् ।

‘घरबाट स्कुल जाने र सिधै घर आउने गर्थे, कहिल्यै कतै घुमेेको, साथीभाइकोमा गएको, नराम्रो बानी भएको थाहा थिएन’ क्षेत्रीले भने, ‘एक्कासी हराएको सुन्दा अचम्म लागेको छ ।’ प्रहरीमा निवेदन दिए पनि प्रहरीले खोजी कार्यमा त्यति वास्ता नगरेको आफूहरुलाई लागेको क्षेत्रीले गुनासो गरे ।

‘ठूला ठालूका छोराछोरी हराएको भए सिंगो फोर्स लगाएर खोज्थे होला, सर्वसाधारणका छोराछोरी हराउँदा वास्तै गर्दैनन्’-क्षेत्रीले भने-‘जो भए पनि बराबर चासो र चिन्ता राखेर प्रहरीले खोजी गरिदिनुपर्छ ।

 

Leave a Reply