Thursday, January 21, 2021
Home > mophosala > ओली र प्रचण्डको सहमति : यी हुन नेकपामा मन्त्री बन्न भाग्य चम्किएकाहरू

ओली र प्रचण्डको सहमति : यी हुन नेकपामा मन्त्री बन्न भाग्य चम्किएकाहरू

काठमाडौं – नेकपाको पछिल्लो विवाद विभिन्न क्षेत्रमा भागवण्डा गर्नेगरी मत्थर भएको छ। सोही अनुसार मन्त्रिपरिषद पुनर्गठन गर्ने तयारी भइरहेको छ। प्रधानमन्त्रीसमेत रहेका नेकपाका अध्यक्ष केपी शर्मा अ‍ोली र अर्का अध्यक्ष पुष्पकमल दाहाल (प्रचण्ड) बीच मन्त्रिपरिषद हेरफेरबीच पटक पटक छलफल जारी छ।

नेकपाका केही नेताहरुका अनुसार मन्त्रिपरिषद पुनर्गठनको काम लगभग अन्तिम चरणमा पुगेको छ। अब पुनर्गठन हुँदा उर्जा, जलस्रोत तथा सिंचाई, उद्योग वाणिज्य तथा आपूर्ति मन्त्रालय टुक्राइने भएको छ। ओलीले पूर्व एमाले र पूर्व माओवादी दुवैबाट नयाँ अनुहारलाई मन्त्री बनाउने आकांक्षा देखाएका छ्न।

पूर्व एमालेबाट गणेशसिंह ठगुन्ना, प्रेम आले, यज्ञराज सुनुवार, लिला श्रेष्ठ, विशाल भट्टराई, विरोध खतिवडालगायतको मन्त्री हुने विषयमा चर्चा छ। त्यस्तै पूर्व माओवादी बाट नारायणकाजी श्रेष्ठ, देवेन्द्र पौडेल, जनार्दन शर्मा, हरिबोल गजुरेल, पम्फा भुसाललगायतको नाम मन्त्री बन्नेमा चर्चामा छ।

अर्का चर्चामा रहेका वामदेव गौतमलाई सर्वाेच्च अदालतले राष्ट्रियसभा सदस्यको रुपमा अरु जिम्मेवारी नदिन आदेश जारी गरेर ब्रेक लगाइसकेको छ। नारायणकाजी श्रेष्ठ पनि प्रतिनिधिसभाको निर्वाचन हारेर पुन राष्ट्रियसभा सदस्य निर्वाचित भएका व्यक्ति हुन्। यूवराज खतिवडालाई प्रधानमन्त्रीले मन्त्रीकै सेवा सुविधा दिएर आर्थिक सल्लाहकार राखिसके। त्यसैले अर्थमन्त्रालयमा नयाँ कोही आउने सम्भावना देखिँदैन। अर्थराज्य मन्त्री भने बनाउने तयारी छ।

मिडिया डबलीबाट साभार

Leave a Reply