Friday, January 15, 2021
Home > mophosala > धरहरा- राष्ट्रिय एकताको धरोहर केशवबिक्रम सिंह

धरहरा- राष्ट्रिय एकताको धरोहर केशवबिक्रम सिंह

वि. सं. २०७२ सालको महाभूकम्पले तहस- नहस पारेको धरहरा ( भिमसेन स्तम्भ/ टावर) – नेपालको एक मात्र यस्तो साँस्कृतिक सम्पदा हो जो नेपालको धेरै ठाउँ मा ठडिएका छन्।

एउटा लडेको बदलामा धेरै ठाउँमा जुर्मुराएर उठेका छन्। यसरी ठडिएका छन् कि मानौं धरहरा ले आफ्नो जन्म पूर्व नै संकल्प गरेको थियो – ” म हजारौं जन्म लिने गरी धल्नेछु।” धरहराले धेरै सार्वजनिक स्थल, विद्यालय र निजी घरमा समेत पूर्न जिवन पाइरहेका छन्। लाग्छ, भौतिक रूपमा केबल धरहरा मात्र ठडिएका छैनन्।

धरहरा सँगै राष्ट्रिय विभूति भिमसेन थापा पनि विउँझेका छन्, नेपालीको शिर सधैं उच्च राख्न काे लागि। हाम्रो गौरब काे इतिहाँस लाई थप जीवन्तता दिनको लागि। समग्र मा धरहरा काे महिमा झनै चुलिएको छ।

हामी सम्पूर्ण नेपालीले ‘ साँस्कृतिक सम्पदा ‘ काे परिभाषा बुझ्नु पूर्व जानेको/ चिनेको शब्द हो- धरहरा। साँस्कृतिक सम्पदाहरुमा सबै भन्दा सु- परिचित नाम।

क्षितिज भेट्न निस्किएको गगनचुम्बी धरहराको चित्र कोर्दा होस् या नाम उच्चारण गर्दा नेपाली हुनुमा गर्व काे अनुभूति नगर्ने नेपाली सायदै छौं।

फ्रान्सको आइफल टावर होस् या जापानको स्काई ट्री यी सबैलाई मात खुवाउने धरहरा आफनो स्वरूप मा हाम्रो माझ नरहेता पनि हामी सबै नेपालीको हृदय मा बसेको छ।

धरहराको बिम्ब हाम्रो मस्तिष्कको काे अन्तस्करण मा कहिल्यै नमेटिने गरि बसेको छ। कुनै बाद,धर्म – सम्प्रदाय, र वर्गको खोल ले ढाक्न नसकेको धरहरा नेपालीको सान हो।

हाम्रो धरहरा साँस्कृतिक सम्पदा मात्र नभई राष्ट्रिय एकताको धरोहर हो। राष्ट्रियताको प्रतिक हो। हाम्रो जन्म भूमि हामीलाई प्राण भन्दा प्यारो छ। जय राष्ट्र।

Leave a Reply