Sunday, January 17, 2021
Home > mophosala > सरकारले लोकतन्त्रको मूल्य मान्यतामाथि धावा बोल्यो: तरूण दल

सरकारले लोकतन्त्रको मूल्य मान्यतामाथि धावा बोल्यो: तरूण दल

प्रमुख प्रतिपक्षी नेपाली कांग्रेसको भातृ संस्था नेपाल तरूण दलले विपक्षी सांसदलाई सरकारले होटलभित्रै बन्धक बनाएको आरोप लगाएको छ।

लोकतन्त्र स्थापना दिवसका दिन बिहीबार विज्ञप्ति जारी गर्दै तरूण दलका अध्यक्ष जितजंग बस्नेतले सरकार लोकतन्त्रका मूल्यमान्यता माथि नै धावा बोलेको उल्लेख गरेका छन्।

‘सरकार लोकतन्त्रका मूल्य मान्यतामाथि नै धावा बोल्दै लोकतन्त्रका सुन्दर गहना अभिव्यक्ति स्वतन्त्रता र स्वतन्त्रपूर्वक जीवनयापन गर्न पाउने अधिकार माथि कुठाराघात गरिरहेको छ,’ बस्नेतले भनेका छन्।

 उनले विपक्षी दलका सांसदसमेत होटलभित्र बन्धक राखेको सुनिन आएको पनि विज्ञप्तिमा उल्लेख गरेका छन्।

‘सरकारका कुकृत्यको बिरोध गरेर सामाजिक संजालमा आफ्ना अभिव्यक्ति राखेका कारण हिजो सरकार पूर्वसचिव भीम उपाध्यायलाई पक्राउ गरिएको छ भने बिपक्षी पार्टीका केही सांसदलाई अपहरणको शैलीमा होटल भित्र बन्धक बनाईएको भन्ने सुन्नमा आएको छ,’ बस्नेतले भनेका छन्।

 सरकारले नै समाजवादी पार्टीका सांसद अपहरण गरेको समाजवादी पार्टीले आरोप लगाउँदै आएको छ।

उनले उपाध्यायलाई रिहा गर्न माग गरेका छन्। ‘सबैको अभिभावक र रक्षक बन्नु पर्ने सरकार आफै यस्ता घृणित कार्यमा लाग्नु निन्दनीय छ। सरकारका यस्ता निच कार्यको घोर भर्सना गर्दछौं। झुटा आरोप लागाई पक्राउ गरिएका भिम उपाध्यायलाई तत्काउ बिना सर्त रिहा गर्नका लागि  माग गर्दछौं,’ उनले भनेका छन्।

Leave a Reply