Friday, January 22, 2021
Home > mophosala > ड्युटीमा खटिएका राष्ट्र सेवकको तलब काट्ने सरकारको निणय विबादित

ड्युटीमा खटिएका राष्ट्र सेवकको तलब काट्ने सरकारको निणय विबादित

काठमाडौं । सडकमा दिनरात खटिने प्रहरीको तलव काटेर कोरोना कोषमा जम्मा गरिने निर्णय विबादित बनेको छ ।

प्रहरी सहायक निरीक्षकदेखि प्रहरी महानिरीक्षकसम्मको तलब कट्टा गरि कोरोना कोषमा जम्मा गर्ने भनिएपछि जनस्तरबाट बिरोध भैरहेको छ ।

उता प्रधानमन्त्री, मन्त्री र सांसदको तलब नकाटिने तर, ड्युटीमा खटिएका प्रहरीको तलब काटिने भएपछि यसको थप बिरोध हुने देखिएको छ ।

प्रधानमन्त्री केपी शर्मा ओलीले मंगलबार गरेको सम्बोधनमा प्रधानमन्त्री, मन्त्री र सांसदको तलबसहित सांसद विकास कोषको रकम कट्टा हुन सक्ने आकलन गरिएको भए पनि त्यसो हुन भने सकेन ।

सामाजिक सञ्जालमा थुप्रैले सांसद विकास कोषको रकम कोरोना भाइरस संक्रमण रोकथाम, नियन्त्रण तथा उपचार कोषमा जम्मा गर्न सुझाव दिएका थिए ।

तर पनि प्रधानमन्त्री ओलीको सम्बोधनमा त्यो परेन । अहिले प्रहरी प्रधान कार्यालय मानव स्रोत एवम् प्रशासन विभागले सबै कार्यालयलाई परिपत्र गर्दै प्रहरी सहायक निरीक्षकदेखि महानिरीक्षकसम्मको तलब कट्टा गर्न निर्देशन दिएको छ ।

वैशाख महिनाको तलबबाट कट्टा गरी तत्काल वाणिज्य बैंकमा रहेको कोषको खाता नम्बर १९६०००००११०१ मा जम्मा गर्न गराउन निर्देशन दिइएको छ ।

Leave a Reply