Tuesday, January 26, 2021
Home > mophosala > चौधरी फाउन्डेसनले गर्यो सकारलाई १ हजार थान ‘पीसीआर रिएजेन्ट हस्तान्त्रण

चौधरी फाउन्डेसनले गर्यो सकारलाई १ हजार थान ‘पीसीआर रिएजेन्ट हस्तान्त्रण

काठमाडाैं । कोरोना भाइरस रोग (कोभिड-१९)को महाप्रकोपसँग जुध्दै नागरिक सुरक्षाका लागि भैपरि आउने विविद समस्याहरुमा चौधरी फाउन्डेसनले विगत देखि नै हातेमालो गर्दै आयको र यो माहामारिलाई केही न्युनिकरण गर्न सहयोग पुगाउने हेतु सरकारलाई १ हजार थान ‘पीसीआर रिएजेन्ट’ (परीक्षण सामग्रीहरू) हस्तान्तरण गरेको छ ।

स्वास्थ्य मन्त्रालयमा पुगि फाउन्डेसनका पदाधिकारिले उक्त साग्रिहरु स्वास्थ्यमन्त्री भानुभक्त ढकाललाई  हस्तान्तरण गरेको हुन । कोभिड-१९ संक्रमित व्यक्ति पहिचान गर्न ‘पीसीआर रिएजेन्ट’ अति महत्वपूर्ण उपकरण हो ।

फाउन्डेसनले चीनबाट आयात गरेका यी सामग्री ग्रहण गर्दै स्वास्थ्यमन्त्री ढकालले विषम परिस्थितिमा निजी क्षेत्रले गरेको यस्तो सहयोग सराहनीय भएको भन्दै फाउन्डेसनलाई धन्यवाद दिए । आवश्यकता परेका बेला आगामी दिनमा पनि यस्तै सहयोगका लागि खुला ह्रदयले तयार रहनसमेत उनले आग्रह गरे ।

फाउन्डेसन अध्यक्ष विनोद चौधरीले कोभिड-१९ नियन्त्रणमा सरकारले थालेको प्रयासमा साथ दिन पाउँदा आफूहरूलाई सन्तोष मिलेको बताएका छन् । ‘स्वास्थ्यमा सीमित साधनस्रोत र पूर्वाधार भएको अवस्थामा सरकारसँगको बलियो हातेमालोबिना अहिलेको विपदबाट छुटकारा पाउन सकिँदैन,’ उनले भनेका छन्, ‘त्यसैले सरकारसँग सहकार्य गरी मुलुकभरि यस्ता सामग्री उपलब्ध गराउने काममा हामी निरन्तर लागिरहेका छौं ।’ उनले यी ‘पीसीआर रिएजेन्ट’ उपकरणबाट द्रुत गतिमा कोरोना परीक्षण हुने विश्वास व्यक्त गरेका छन् ।

सरकारी तथा गैरसरकारी क्षेत्रबाट परीक्षण तथा सुरक्षा सामग्री माग उच्च देखिए पनि आफूहरूको पहिलो प्राथमिकता उपचार र परीक्षणमा सक्रिय चिकित्सक र स्वास्थ्यकर्मीको सुरक्षा भएको चौधरीले बताएका छन् । ‘त्यससँगै हाम्रो प्राथमिकता न्यूनतम उपकरण र पूर्वाधार भएका स्वास्थ्य केन्द्र हुन्, जहाँबाट रोग परीक्षणसँगै पहिलो चरणको उपचार सम्भव होओस्,’ चौधरीले भनेका छन्, ‘न्यूनतम पूर्वाधार भएका संस्थालाई बलियो र सुविधा सम्पन्न बनाउने हाम्रो लक्ष्य हो । र, ती केन्द्रसँग स्थायी रूपमै सहकार्य गर्ने गरी चौधरी फाउन्डेसनले तयारी गरिरहेको छ ।’

यसअघि पहिलो चरणअन्तर्गत चौधरी फाउन्डेसनले सातै प्रदेशका गरी ४८ स्वास्थ्य संस्थामा पीपीई र उपचार सामग्री वितरण गरेको थियो ।

Leave a Reply