Saturday, January 16, 2021
Home > mophosala > कविबर श्रवण मुकारुङ ज्यूको मृत्यु कवितामाथी अंकुश; मोति चामलिङ

कविबर श्रवण मुकारुङ ज्यूको मृत्यु कवितामाथी अंकुश; मोति चामलिङ

नेपालका जिउंदा जाग्दा कबिवर श्रवण मुकारुङ ज्यूको कविताले मेरो मन मुटु कांपिरहेको छ। कबिज्यूको कबिता चेत संगै प्रस्तुतिले सहि पाठकहरुको अन्तरचक्षु मुटु कलेजो फांड्यो कि फाडेन मलाई थाहा छैन परन्तु मेरो मन चाहिँ थीरमा छैन। म बिथोलिएको छु हजुर।
मृत्यु अनेक कारणले हुन्छ, त्यो शाश्वत हो।

जन्म पछिको अन्तिम कर्म महायात्रा नै हो, महाप्रस्थान नै हो किन्तु कबिवरले प्रस्तुत गर्नु भएको चेत किरण यो महामारी संग मात्र सम्बन्धित छैन। आज सामान्य नागरिकले भोग्नु परिरहेको मृत्यु चक्रको विवशतासंग घनिष्ट सम्बन्ध छ।

मृत्यु सस्तो मात्र होइन, कौडिको भाउमा छ अपितु वरण गर्न हिरा मोति भन्दा महङ्गो छ, बिरताको के कुरा? शहिदको के कुरा? मृत्यु त सर्व साधारणकै निम्ति अनेकार्थमा महङ्गो छ।

शहिदले तोडेको अन्तिम दम, बीरहरुले रणभूमिको रक्तरंजित जमिनमा फेरेको अन्तिम श्वास एक सहज वरण हो, परन्तु अब निहत्था नागरिक, निर्दोश र निष्पाप जनमनले फेरेको अन्तिम श्वास , तोडेको दमप्रती जिम्मेवार को हो? वर्णन मृत्युको भएपनी कबिवरको उठान निरुत्तरित छैन। यहां मृत्युको कारण बारे साहित्यिक अदालतमा विहङगम बहश पैरवी जरुरि छ।

जय नेपाल।

मोति चामलिङ वि पि अध्ययन प्रतिष्ठान हङकङका अध्यक्ष हुन।

Leave a Reply