Monday, January 18, 2021
Home > mophosala > सहमतिको सरकार बन्नुपर्ने कांग्रेसको माग नरहेको प्रष्ट

सहमतिको सरकार बन्नुपर्ने कांग्रेसको माग नरहेको प्रष्ट

काठमान्डौ । प्रमुख प्रतिपक्षी दल नेपाली कांग्रेसले सहमतिको सरकार बन्नुपर्ने आफूहरूको माग नरहेको प्रष्टाएको छ।

प्रवक्ता विश्वप्रकाश शर्माले अहिलेको अवस्थामा सहमतिको सरकार बन्नुपर्ने माग पार्टीको नरहेको र यसबारे कुनै छलफल पनि नभएको बताएका छन्।

केही दिनअघि वरिष्ठ नेता रामचन्द्र पौडेलले आफ्नो भिडिओ सन्देशमा संकटका बेला दुनियाँमा सहमतिको सरकार बनाउने प्रचलन पनि रहेको बताएपछि कांग्रेसको आधिकारिक धारणा के हो? भन्ने प्रश्न पार्टीभित्र र बाहिर उठेका थिए।

प्रवक्ता शर्माले आइतबार ट्वीट गर्दै संकटमा सरकारलाई सघाउनुपर्ने बताएका छन्। ‘सहमतिको सरकार बन्नुपर्ने कांग्रेसको माग छैन,’ उनले भनेका छन्, ‘यसबारे कुनै छलफल पनि भएको छैन।’

उनले सरकारलाई सघाउनु, सुझाव र दवाव दिनु नै प्रमुख प्रतिपक्षको कर्तव्य हुने उल्लेख गरेका छन्। ‘सरकारमा सँगै नभएर पनि सँगै लड्न सकिन्छ,’ उनले भनेका छन्, ‘यही हो कांग्रेसको आधिकारिक धारणा।’

Leave a Reply