Wednesday, January 27, 2021
Home > mophosala > स्वास्थ्य शाखालाई १ लाख ५० हजार नगद सहयोग

स्वास्थ्य शाखालाई १ लाख ५० हजार नगद सहयोग

कालिकोट चैत १५ गते ।  जिल्लाको पलाँता गाँउपालिका अध्यक्ष लक्ष्मणबहादुर बमकी धर्मपत्नी गोरीकला बमले गाँउपालिकाको स्वास्थ्य शाखालाई एक लाख ५० हजार नगद सहयोग गरेकी छन् । गाँउपालिका अध्यक्ष बमको आमा बुवाको नाममा पलाँतामा संचालन गरिएक एएनबी अस्पतालकी संचालक समेत रहेकी बमले पलाँतामा कोरोनाको महामारी रोकथामका लागि गाँउपालिकाको स्वास्थ्य शाखालाई एक लाख ५० हजार नगद सहयोग गरेकी हुन् ।

उनले भनिन् आमा बुवाको सपना पुरा छोराको दायित्व हो । सासु ससुरा भनेका मेरा आमा बुवा नै हुन् । जिल्लाको अति विकट गाँउपालिका पलाँताका नागरिकहरुको सेवाका लागि एएनवि अस्पताल संचालन गरिएको हो । विश्वभरी फैलिएको कोरोना भाइरसको उपचारका लागि पलाँतामा रहेका नागरिकहरुको स्वास्थ्य सेवामा सहजता ल्याउनका लागि यो अस्पतालले सहयोग गर्ने छ ।

गाँउपालिका अध्यक्ष लक्ष्मणबहादुर बमले आफ्नो बुवाले स्वास्थ्य क्षेत्रमा गरेको योगदानलाई निरन्तरता दिनका लागि बुवा र आमाको नाममा ए – ऐवान, एन – नौरता देवि र बी – बमको नाममा एएनबी नामकरण गरी पलाँतामा व्यक्तिगत लगानीमा अस्पताल खोलिएको बताए । उनले भने, मेरो लगानीमा पलाँतामा विगत २ बर्ष देखि स्वास्थ्य सेवा दिदै आएका छौँ ।

उक्त हस्पिटलको संचालकमा लक्ष्मण बमकी पत्नी गोरिकला बम र स्थानिय युवा लालबहादुर रोकाया छन । विश्वभरि फैलिएको नोवेल कोरोना – कोभिड १९ लाई रोकथाम गर्नका लागि पलाँता स्वास्थ्य कार्यालयलाई हस्पिटलकी संचालक गोरीकला बमले १ लाख ५० हजार नगद सहयोग स्वास्थ्य शाखा प्रमूख हिमाल संज्याललाई हस्तान्त्रण गरेकी छन् । उनले नगद सहयोग गर्दै पलाँतावासीलाई कोरोना रोगवाट कोहिपनि त्रसित नहुन आग्रह गरिन् ।

उनले पलाँतावासिलाई कोरोना संक्रमणवाट वचाउनका लागि आफुले आफ्नो हस्पिटलको तर्फवाट यो सानो सहयोग गरेको र यसको संक्रमण फैलिदै गएमा एएनवि हस्पिटलले पलाँताका नागरिकलाई निसुल्क रुपमा उपचार सेवा प्रदान गर्ने घोषणा गरिन् ।
सम्बन्धित फोटो
१, कोरोना रोकथामका लागि पलाँता गाँउपालिका स्वास्थ्य शाखा प्रमूख हिमाल संज्याललाई नगद सहयोग हस्तान्त्रण गर्दै । तस्बिर – बिस्नप्रसाद न्यौपाने ।

Leave a Reply