Monday, January 25, 2021
Home > mophosala > राजकुमार ह्यारीले ट्याबलोइडविरूद्ध हालेको उजुरी रद्द

राजकुमार ह्यारीले ट्याबलोइडविरूद्ध हालेको उजुरी रद्द

एजेन्सी लन्डन, माघ १७                                                                                                                                                                                                                                                                                                                                              हालसालै शाही परिवारबाट अलग्गिएका बेलायतका राजकुमार ह्यारीले बेलायती ट्याबलोइड पत्रिकाविरूद्धको हालेको उजुरी रद्द भएको छ।

राजकुमार ह्यारीले आफ्ना बारेमा बेलायती ट्याबलोइड ‘मेल’ले छापेको समाचारविरूद्ध स्वतन्त्र प्रेस आचारसंहिता संगठनमा उजुरी दिएका थिए। उक्त उजुरीमा संगठनले कार्यवाही अगाडि बढाएको र अध्ययन गर्दा ‘मेल’ ले आचारसंहितामा भंग नगरेको भन्दै ह्यारीको उजुरी खारेज गरिदिएको हो।

मेलले राजकुमार ह्यारीले पृथ्वी दिवसका उपलक्ष्यमा आफ्नो वेबसाइटमा राखेका जनावरहरूको तस्बिरबारे समाचार लेखेको थियो। ह्यारीले तस्बिर राख्दा केहीमा ‘जनावरहरूको ओसारपसार गर्दा उनीहरूलाई लठ्याउने औषधि खुवाइने, शारिरीक पीडा हुने काम गरिने’ जस्ता कुरा उल्लेख गरेका थिए।

उनको यो पोष्ट भ्रामक भएको भन्दै मेलले समाचार लेखेको थियो।

‘राजकुमार ह्यारीले जनावर बाँधिएको, लागुऔषध प्रयोग गरिएकोबारे प्रस्ट खुलाएका छैनन्। उनले भ्रम सिर्जना गरिरहेका छन्’ भन्ने आसयको समाचार लेखेको थियो।

त्यसपछि ह्यारीले संगठनमा उजुरी दिएका थिए।

उजुरी सुनुवाइ क्रममा ह्यारीले ‘ती तस्बिर जस्तो देखियो, त्यस्तै खिचको र आफ्नो फोटोग्राफी सीप देखाउन नभई जनचेतना जगाउन राखेको’ बताएका थिए। ती फोटा उनले सन् २०१६ मा अफ्रिकाको एक निकुञ्जमा खिचेका थिए। साथै फोटोहरू ‘इडिट’ नगरी जस्ताको तस्तै राखिएकाले जो कोहीले पनि हेर्न सक्ने उनले बताएका छन्।

ह्यारीले आफ्ना भनाइ राख्दै उजुरी दिए पनि बिहीबार संगठनले ती समाचारले कुनै संहिता उल्लंघन नगरेको भन्दै खारेज गरिदिएको थियो।

Leave a Reply