Friday, January 15, 2021
Home > mophosala > सहीद दिवसको अवसरमा फरेष्ट्रीमा नेबि संघको अन्तरक्रिया

सहीद दिवसको अवसरमा फरेष्ट्रीमा नेबि संघको अन्तरक्रिया

हेटौडा,माघ १६ नेपाल बिधार्थी संघ वन बिज्ञान अध्ययन संस्थान हेटौडा इकाइले सहिद दिवसको अवसरमा अन्तरक्रिया कार्यक्रम सम्पन्न गरेको छ । सहिदहरुको योगदान र सम्झनालाइ बिधार्थीहरु माझ पुनरताजिकी गर्ने उद्देश्यले कार्यक्रम आयोजना गरेको इकाइले बताएको छ ।

अन्तरक्रिया कार्यक्रम नेपाली काग्रेस मकवानपुरका जिल्ला सचिब बुद्ध लामाको प्रमुख आतिथ्यता तथा नेपाल बिधार्थी संघ मकवानपुरका अध्यक्ष राजु खतिवडाको बिशिष्ट आतिथ्यतामा सम्पन्न भएको थियो । उक्त कार्यक्रममा सहीदको योगदान र सम्मानको चर्चा गर्दै बुद्ध लामा,राजु खतिवडा,कृष्ण प्रसाद दाहाल,यादव अर्याल,पंकज ठाकुर,सुदिप भट्टराइ,नवराज उपाध्याय , ललित खड्का लगायतले बिचार राखेका थिए ।
सहीदको योगदानले आजको दिन र ब्यबस्था आएको भन्दै नया पुस्ताले सहीदको सम्झना गर्नुपर्नेमा जोड दिदै कार्यक्रमका प्रमुख अतिथि बुद्ध लामाले युग परीवर्तनमा सहीदको योगदानको चर्चा गरेका थिए ।

कार्यक्रममा बिचार राख्दै नेपाल बिधार्थी संघ मकवानपुरका अध्यक्ष राजु खतिवडाले युवाले इतिहास सम्झनुपर्ने भन्दै सहीदहरुको सम्मान र सम्झनामा गरीने यस्ता कार्यक्रमहरुको बिशेष अर्थ भएको धारणा राखे ।
अन्तरक्रिया कार्यक्रम नेपाल बिधार्थी संघ वन बिज्ञान अध्ययन संस्थान हेटौडा इकाइ सभापती ललित कुमार खड्काको सभापतित्वमा सम्पन्न भएको थियो ।

 

केशब खड्का
खड्काले मकवानपुरबाट पलपल खबरका लागी मुलधारका न्युज लेख्ने गर्छन

Leave a Reply