Tuesday, January 26, 2021
Home > mophosala > कञ्चनपुर पुगेर खानेपानी मन्त्री मगरले गरिन मतदान

कञ्चनपुर पुगेर खानेपानी मन्त्री मगरले गरिन मतदान

कञ्चनपुर। कञ्चनपुर जिल्लाकाे पुनर्वास नगरपालिका वडा नम्बर ३ मा शनिबार भइरहेको उपनिर्वाचनमा खानेपानी मन्त्री बिना मगरले  मतदान गरेकी छन् ।

मन्त्री मगरले गोरखा माध्यमिक विद्यालयमा रहेको मतदान केन्द्रमा पुगेर बिहान साढे ९ बजेको समयमा मतदान गरेकाे उनका प्रमुख स्वकीय सचिव प्रकाश मगरले जानकारी दिए ।

जम्मा एक हजार १ सय ९९ जना मतदाता रहेको वडामा पुरुष ५५९ र महिला मतदाता ६४० रहेका छन् । दुई मतदान केन्द्र निर्धारण गरिएको उक्त मतदान स्थलमा क मतदान केन्द्रमा ६१६ र ख मतदान केन्द्रमा ५८३ मतदाताले मतदान गर्ने गरी केन्द्र निर्धारण गरिएको मुख्य निर्वाचन अधिकृत गोपाल प्रसाद बास्तोलाले जानकारी दिए ।

वि.संं. २०७४ सालको असारमा सम्पन्न स्थानीय तहको निर्वाचनबाट सो वडामा निर्वाचित वडाध्यक्ष फैरू तामाङ जिल्ला समन्वय समिति कञ्चनपुरको प्रमुखमा नियुक्त भएपछि उक्त वडाको अध्यक्ष पद रिक्त रहेको थियो ।

Leave a Reply