Monday, January 25, 2021
Home > mophosala > महाराष्ट्र प्रदेश सरकार गठनले लियो नाटकीय मोड : एनसीपीको साथ लिएर भाजपाले बनायो सरकार

महाराष्ट्र प्रदेश सरकार गठनले लियो नाटकीय मोड : एनसीपीको साथ लिएर भाजपाले बनायो सरकार

एजेन्सी । महाराष्ट्रमा विकसित नाटकीय घटनाक्रम पछि भाजपाका नेता देवेन्द्र फडणवासीले मुख्यमन्त्री पदमा शपथ लिएका छन् ।

राष्ट्रवादी कांग्रेस पार्टी(एनसीपी)ले भाजपालाई सरकार बनाउनको लागि समर्थन दिएको छ । एनसीपीका नेता अजित पवारले उप–मुख्यमन्त्री पदको शपथ लिएका छन् ।

एक दिन पहिले मात्रै शिव सेना, एनसीपी र कंग्रेसका नेताबीच उद्धव ठाकरेलाई मुख्यमन्त्री बनाउने विषयमा सहमती बनेको अवस्थामा यो नाटकीय मोड आएको हो । एनसीपी नेता शरद पवारले आफैले शुक्रबार तीन दलको सहमतीको जानकारी दिएका थिए ।

आज तीन दलले मिल्न बाँकी मुद्दामा थप वार्ताको लागि वैठक बोलाका थिए । तर अप्रत्याशित रुपमा बिहान देवेन्द्र फडणवीस र अजित पवारले मुम्बईको राजभवनमा शपथ ग्रहण लिएका छन् ।

महाराष्ट्रको २८८ सिटको विधानसभाका अघिल्लो महिना भएको निर्वाचनमा भाजपाले १०५ सिट जितेको थियो । त्यस्तै एनसीपीले ५४ सिट हासिल गरेको थियो ।

शिव सेनाको हिस्सामा ५६ सिटमा जित हासिल गरेको थियो भने कंग्रेसले ४४ सिटमा जित्यो । चुनावको समयमा भाजपाले शिवसेनासँग गठबन्धन गरेर चुनाव जितेको थियो भने एनसीपी र कंग्रेस अर्को गठबन्धनमा थिए ।

भाजपा र शिव सेनाको गठबन्धनले सहजै सरकार बनाउन सक्थ्यो तर दुई पार्टीबीच मुख्यमन्त्री पद र ‘सत्ता साझेदारी’को विषयमा मतभेद पैदा भएपछि गठबन्धन टुट्यो ।

यसपछि शिव सेनाले एनसीपी र कंग्रेससँग मिलेर सरकार बनाउने कोशिश शुरु गरेका थिए । ती दलका वरिष्ठ नेताहरुबीच कयैन दिनसम्म सरकार बनाउने कोशिश भयो । आज तिनले सरकार बनाउने विषयमा महत्वपूर्ण निर्णय गर्ने सम्भावना व्यक्त गरिदैं थियो ।

भारतका प्रधानमन्त्री नरेन्द्र मोदी र गृहमन्त्री अमित शाहले ट्वीटमार्फत देवेन्द्र फडणवीस र अजित पवाललाई बधाई दिएका छन् ।

फडणवीस र अजितले के भने ?
राजभवनमा मुख्यमन्त्री पद शपथ लिएपछि भाजपाका प्रदेश नेता देवेन्द्र फडणवीसले भने ,‘ चुनावमा हामीसँगै लडेको शिव सेनाले जनादेशको अनादर गरेर अन्य दलसँग सरकार बनाउने कोशिश ग¥यो । त्यसले गर्दा राज्यमा राष्ट्रपति शासन लगाउनु प¥यो । तर महाराष्ट्रमा खिचडी सरकार नभएर स्थायी सरकार चाहिएको थियो । यसैले एनसीपी हाम्रो साथमा आयो ।’

शपथ लिएपछि एसीपी नेता अजित पवारले भने ,‘महाराष्ट्र विधान सभा चुनावको नतिजा आएको धेरै दिन भएको थियो । यस्तोमा पनि सरकार बन्न नसकेको कारण मानिसहरुलाई समस्या परिरहेका थियो । ’
पवारले अगाडि भने ,‘ राज्यमा कयैन समस्या छन् । खासगरी किसानको समस्या । मिलेर स्थिर सरकार बन्दा महाराष्ट्रको लागि राम्रो हुने देखेर हामीले सरकार बनाउन सहयोग गर्याैं ।’

Leave a Reply