Tuesday, January 19, 2021
Home > special_two > जाल्सनद्वारा चियापान कार्यक्रम सम्पन्न

जाल्सनद्वारा चियापान कार्यक्रम सम्पन्न

काठमाडौँ। जापानीज भाषा स्कुल संघ नेपाल (JALSAN) ले दशैं, तिहार तथा छठको अवसरमा चियापान कार्यक्रम एवं शुभकामना आदानप्रदान कार्यक्रम सम्पन्न गरेको छ।

राजधानीको बागबजार स्थित होेटेल हार्दिकमा उक्त चियापान एवं शुभकामना आदानप्रदान कार्यक्रम सम्पन्न गरिएको संस्थाका महासचिव रमेश देवकोटाले जानकारी दिएका छन्।

संघका अध्यक्ष विशाल श्रेष्ठको अध्यक्षतामा सम्पन्न कार्यक्रममा ECAN का पूर्व अध्यक्ष राजेन्द्र बराल, सिटी एक्सप्रेस नेपालका निर्देशक समुन्द्र श्रेष्ठ, जापानीज भाषा परिक्षा लिने संस्था J-Cert नेपालका संञ्चालक मेघराज शाही, JLCT नेपालका संञ्चालक भवनाथ हुँमागाईंको उपस्थिति रहेको थियो।

त्यस्तै कार्यक्रममा संघका पदाधिकारीका साथै, जाल्टनका उपाध्यक्ष राजेन्द्र केसीलगायत विभिन्न परामर्थ दातृ संस्थामा आवद्ध व्यक्तिहरूको उपस्थिति रहेको आयोजकले जानकारी दिएको छ।

कार्यक्रममा संघका अध्यक्ष श्रेष्ठले शुभकामना मन्तव्य दिँदै जापानीज भाषा स्कुल संघ नेपालले कुनै पनि राजनीतिक रंग नदिएर बिशुद्ध नेपाल-जापानबीचको सम्बन्धलाई नयाँ उचाइ दिनको लागि प्रयासरत रहेको स्पष्ट पारेका छन्।

उनले भने, ‘नेपाल-जापानबीचको सम्बन्ध र उच्चशिक्षाको लागि जुन कार्य भइरहेका छन्, यि कार्यलाई नयाँ उचाई दिनु हाम्रो कर्तव्य हो। यसका लागि जापानीज भाषा र उच्चशिक्षासँग सम्बन्ध राख्ने व्यवसायी मित्रहरूलाई एकतावद्ध भएर काम गर्न आग्रह गर्दछु।’

Leave a Reply