Wednesday, January 27, 2021
Home > mophosala > क्यान्सर पिडितको घाउमा कांग्रेसी मलहम 

क्यान्सर पिडितको घाउमा कांग्रेसी मलहम 

काठमाडौं । नेपाली कांग्रेस रामेछाप हिलेदेवि सम्पर्क समितिले क्यान्सर पिडितलाइ सहयोग रकम हस्तान्तरण गरिएको छ । शनिबार राजधानीमा एक कार्यक्रमको आयोजना गरि सम्पर्क समितिले शुनापती गाउँपालिका तीन घर भएका क्यान्सर पिडित पातली तामाङको उपचारका लागि १ लाख ४८ हजार ८ सय २० रुपैँया सहयोग गरेका हुन् ।

नेपाली कांग्रेसका सक्रिय सदस्य समेत रहेका तामाङ परिवारलाइ कांग्रेस नेता बर्मा लामाले उक्त रकम हस्तान्तरण गरेका हुन् । आर्थिक अवस्था नाजुक रहेका पातली भक्तपुर क्यान्सर अस्पतालनमा उपचारत छिन् । लामो समयदेखि उपचारत पातलीलाइ परिवारले जोहो गरेको दश लाख सकिएपछि सहयोगी हातहरुको खोजिमा हिडेको पिडितकी छोरी सरिताले बताइन् ।

पातलीको उपचारका लागि सम्पर्क समिति थप रकम जम्मा गर्ने अभियानमा निरन्तर लागिरहेको सभापति लादोर्जे लामाले बताए । ६६ वर्षीय पातलीले अहिले किमो लिइरहेकी छन् । उपचारको लागि ठ्ुलो रकम आवश्यक पर्नेभएपछि रकम हस्तान्तरण गर्दै कांग्रेस नेता लामाले सहयोग गर्न आम कार्यकर्तालाइ आग्रह गरे । उनले आफ्नो व्यक्तिगत तर्फबाट पनि पिडित परिवारलाइ सक्दो सहयोग गर्ने बताए ।

Leave a Reply