Sunday, January 24, 2021
Home > mophosala > अवैध असुलीमा गृहमन्त्री थापाका भाई सहित ८ जना अदालतमा

अवैध असुलीमा गृहमन्त्री थापाका भाई सहित ८ जना अदालतमा

काठमान्डाै । नेपाल सरकारका गृहमन्त्री रामबहादुर थापा ‘बादल’ का भाइ नरेशकुमार थापासहित ८ जना अवैध असुली गरेकाे आराेपमा पक्राउ परी हिरासतमा रहेका थिए हाल उनिहरु माथी काठमाडौं जिल्ला अदालतले बयान लिइरहेको छ।

जिल्ला अदालत काठमान्डाैका अनुसार मंगलबार सरकारी वकिल कार्यालयले मुद्दा बुझाएपछि बुधबारबाट उनिहरुमाथी बयान लिन थालिएको हो। अदालतको चार नम्बर इजलासमा न्यायाधीश मेदिनीप्रसाद पौडेलले उनिहरूको बयान भइरहेको श्रेष्तेदार आनन्द श्रेष्ठले बताए।

श्रेष्ठका अनुसार एक जना अजै फरार रहेकाे जनाय । प्रहरीले थापासहित ९ जनालाई प्रतिवादी बनाएर सरकारी वकिल कार्यालयमा अनुसन्धान प्रतिवेदन बुझाएको थियो।

पक्राउ परेकामध्ये थापासहितका ८ प्रतिवादीलाई बयान लिने काम भइरहेको तर सबैको नसकिएको श्रेष्ठले जानकारी दिए।‘नरेशबहादुर भनिने नरेशकुमार थापासमेत ८ जना प्रतिवादीको बयान जारी छ, थापासँग लिइसकिएको छैन,’ श्रेष्ठले भने। अदालतमा बिहीबार पनि प्रतिवादीको बयान रहेको उनले बताए।

गृहमन्त्री रामबहादुर थापाका भाइ नरेश थापा अहिले प्रहरी हिरासतमा छन्। निर्माण व्यवसायी शरदकुमार गौचन हत्यामा जेलमा रहेका गुन्डा नाइके समीरमानसिंह बस्नेत समूहसँग मिलेर ठेकेदारलाई धम्क्याएको आरोपमा प्रहरीले मुद्दा अघि बढाइपछि थापा आफैं प्रहरीको सम्पर्कमा आएका हुन्।

केन्द्रीय अनुसन्धान ब्युरोका अनुसार नरेशले निर्माण व्यवसायीलाई फोन गरेर ‘पैसा नदिए जे पनि हुने’ भन्दै धम्की दिने गरेका थिए। उनीमाथि आपराधिक लाभ लिने प्रयास गरेको आरोपमा जिल्ला अदालत काठमाडौंमा मुद्दा दायर गरिएको ब्युरो प्रमुख प्रहरी नायब महानिरीक्षक निरजबहादुर शाहीले बताए।

Leave a Reply