Sunday, January 17, 2021
Home > special_one > ‘सानो तिनो लडाइबाट राष्ट्रघाति परास्त हुँदैनन्’

‘सानो तिनो लडाइबाट राष्ट्रघाति परास्त हुँदैनन्’

काठमाडौँ – नेपाल कम्युनिष्ट पार्टी (नेकपा) का स्थायी कमिटी सदस्य भीमबहादुर रावलले देशलाई नव उपनिवेशमा धकेल्नेसँग ठूलो लडाई लड्नुपर्ने समय आएको बताएका छन्।

पुष्पलाल मित्रता केन्द्रले आयोजना गरेको ‘माथिल्लो कर्णाली र बुढीगण्डकी परियोजनामा राष्ट्रहितको संरक्षण र वहस’ विषयक अन्तरक्रिया कार्यक्रममा बोल्दै नेता रावलले यस्तो बताएका हुन्।

उनले भने, ‘नेपालको माटोमा बसेर, नेपालको पानी खाएर देशलाई नै नव उपनिवेशमा धकेल्नेहरू धेरै देखिए। राष्ट्रहित विपरित सम्झौतामा कसरी हस्ताक्षेर गर्न सकेका होलान ? प्राकृति स्रोतमाथि दोहोन गर्नेलाई सानोतिनो लडाइले परास्त गर्न सकिँदैन। यसको उदाहरण माथिल्लो कर्णाली जल विद्युत परियोजना हो। यसको सम्झौतादेखि आजका दिनसम्म म निक्कै छु। लडिरहेको छु। यसका बारेमा मैले धेरै पटक कुरा उठाए सुनुवाई भएन।’

उनले अगाडि थपे,‘माथिल्लो कर्णाली जस्तो संसारकै सस्तो र वातावरण मैत्री, समाज मैत्र, दिगो विकासको सपना जोडिएको परियोजनाको बारेमा मैले राष्ट्रद्धघाति सम्झौता गर्नुहुँदैन भनेर २१ बुँदे सुझाव दिएको थिए। जसल मध्ये १६ बुँदा सच्चिएका छन्। मेरा पार्टीका नेताहरूलाई पनि बुझाएको थिए। तर, कसैले पनि मेरा आवाज सुनुवाई भएन,सुनिएन।’

नेकपाका वरिष्ठ नेता झलनाथ खनाल प्रमुख अथिति रहेको उक्त कार्यक्रममा नेता रावलले आफ्ना अभिव्यक्तिहरू राष्ट्रियता, सार्वभौम र नेपाली जनताको पक्षमा भएको स्पष्ट पारेका छन्। उनले भने, ‘ईतिहास कटु हुन्छ। तितो हुन्छ। यहाँ वरिष्ठ नेता हुनुन्छ। विगतले दुखाउन सक्छ। चहर्याउन सक्छ। तर, मैले यि कुरा प्रधानमन्त्री, कोही नेतालाई इंगित गरेर राखेको छैन। केवल देश र जनताको भविष्यलाई सम्झेर बोलिरहेको छु।’

उनले भने, ‘मैले २०६४ र २०६६ सालमा भारतीय कम्पनि जि.एम.आरले यो परियोजना निमार्ण गर्दैन। तोकिएको समयमा यसले काम गरेन भने के हुन्छ ? भनेर मैले तत्कालिन प्रधानमन्त्री सुशिल कोइरालालाई सोधेको थिए। उहाँले समय सकिएको दिन सम्झौता रद्ध हुन्छ भनेर भन्नुभयो। तर, अनधिकृति रुपमा रातारात जि.एम.आरको दुईपटक म्याद थप भइसकेको छ। सम्झौता विपरित सचिव स्तरिय निर्णय गरेर ३ सय मेघावटालाई ९ सयमा पुर्यायो। यो भन्दा अवैध, अराजक र राष्ट्रहित विपरित अर्को काम के हुन्छ ?’

नेता रावलले देशका प्रधामन्त्री, मन्त्री र नेतृत्व तहमा रहेका नेताहरूले अर्काको देशको भलाई हुनेगरी अरुकै इसारामा कसरी काम गर्न सकेका होलान ? मलाई दुःख लागछ। म गृहमन्त्री, उपधानमन्त्र भएर हेरें यहाँ त प्राकृतिक स्रोतको रक्षा गर्न र राष्ट्रियताको निम्ति पुनः एकपटक लड्नै पर्छ।’

नेता रावलले कर्णाली, कोसी, बुढीगण्डकी होस् या तरुनीगण्डकी होस् राष्ट्रहित विपरित कुनै पनि योजना, आयोजना र परियोजना निमार्ण भए त्यसको खुलेर विरोध गर्ने स्पष्ट पारेका छन्।

 

Leave a Reply