Sunday, January 17, 2021
Home > special_one > प्रवासी नेपालीलाई समृद्धिको अभियानमा जुट्न आग्रह

प्रवासी नेपालीलाई समृद्धिको अभियानमा जुट्न आग्रह

काठमाडौँ । नेपाली कांग्रेसका प्रवक्ता विश्वप्रकाश शर्मा र नेपाल तरूण दलका महासचिव भुपेन्द्रजंग शाहीले प्रवासमा रहेका नेपालीहरूलाई समृद्धिको अभियानमा जुट्न आग्रह गरेका छन्।

प्रबक्ता शर्मा र महासचिव शाहीले (हिजो) अगष्ट १२ तारेख पोर्चुगलको राजधानी लिसबनमा आयोजित नेपाली जनसम्पर्क समिति पोर्चुगलको १०औँ वार्षिक साधारण सभालाई सम्बोधन गर्दै यस्तो आग्रह गरेका हुन्।

प्रवक्ता शर्मा र नेपाल तरुण दलका महासचिव शाहीले मुलुको समृद्धि र विकासको निम्ति प्रवासी नेपालीहरूको महत्वपूर्ण भूमिका रहने भन्दै जहाँ रहेपनि देशलाई माया गर्न र विकासमा साथ दिन आग्रह गरेका हुन्।

नेकपा सरकारको खरो विरोध गर्ने नेताको रुपमा चिनिएका तरुण दलका महासचिव शाहीले युरोप भ्रमणमा पनि सरकारको चर्को आलोचना गरेका छन्। महासचिव शाहीले प्रधानमन्त्री केपी शर्मा ओली सरकार आन्तरिक भूमरीमा फँसेको भन्दै देशलाई सहि दिशा निर्देश गर्न नसकेको आरोप लगाए।

उनले भने, ‘देशमा अहिले व्याप्त भ्रष्टाचार छ। दुई तिहाइको सरकारले कारबाही गर्न सकिरहेको छैन। उल्टै गलत क्रियाकलाप गर्नेलाई संरक्षण गरिरहेको छ। दुई तिहाइको सरकार उनीहरुले चलाई रहेका छन्। कांग्रेसलाई गालि गरिहेका छन्। वाइडवडी काण्डका कमाण्डर स्वयं प्रधानमन्त्री ओली हुन्। यसका बारेमा पनि प्रवासी नेपाली दाजुभाई दिदीबहिनीले बुझ्नुपर्छ र खबरदारी गर्नुपर्छ।’

उनले अगाडि थपे, ‘प्रधामन्त्री निवास बालुवाटारको जग्गा प्रकरणमा आफ्नै पार्टीका महासचिवको संलग्नता रहेको चर्चा छ। यसका बारेमा प्रधानमन्त्री केही पनि बोल्नुहुन्न। त्यतिमात्रै होइन, नेकपाको पार्टी कार्यालयसमेत सार्वजनिक जग्गामा छ। यसको सोझो अर्थ सरकार भ्रष्टाचार लाई निर्मुल होइन बढवा गर्दैछ।’

महासचिव शाहीले सरकारको मात्रै नभएर आफ्नै पार्टीको समेत विरोध जनाएका छन्। सरकार अराजकता र अधिनायकवादको बाटोमा जान थालेको अवस्थामा पनि पार्टी आन्तरिक बिबादमा भुलिएको शाहीको भनाई छ। उनले भने, ‘पार्टी भित्रका गुटुको संरक्षण नभएर सिंगो पार्टीको संरक्षण गर्नुपर्छ। हाम्रो पार्टीभित्रको बिबादलाई अन्त्य गर्ने हो भने आगामी निर्वाचनमा पहिलो हुनेमा दुई मत छैन।’

प्रवक्ता शर्माले पोर्चुगलको १०औँ वार्षिक साधारण सभालाई सम्बोधन गरेसंगै साइप्रस र डेनमार्कको सभालाई सम्बोधन गर्ने कार्यक्रम छ। अन्य ठाउँमा भने महासचिव शाही एक्लैले प्रशिक्षण दिने कार्यक्रम रहेको छ।

Leave a Reply