Tuesday, January 19, 2021
Home > mophosala > मोति चाम्लिङको कविता ; “छिप्पिएको निगुरो भो नेता”

मोति चाम्लिङको कविता ; “छिप्पिएको निगुरो भो नेता”

जब धेरै छिप्पिन्छ निगुरो
अखाध बन्छ त्यो सब्जी।
जब नेतामा राजनिती छिप्पिन्छ
सोइपरी ग्रहण योग्य
हुदैन त्यो राजनिती।
तब त ती नेता नै
अनुशरण गर्न योग्य रहन्न।
उपरोक्त तिक्त अनुभूति
नेपाली जनताको हो।

एक जना उत्साही किसानले
जब नया बाली लगाउंछ,
मनमनै पुकारा गर्छ प्रकृतिसंग
कि त्यो नयां बालिले
बिगतको उपार्जनलाई
उछिनेर मूरीले भकारी भरोस।
मुहारमा खुसिका रेखाहरु
नाच्दै नाच्दै धर्सो तानिदै कोरियोस।

परन्तु नेपाली जनता
यस्ता अभागी किसान दरिए
जसको सप्रेको बालिको
अबिछिन्न राजनिती सपना
हुडालिएर आउने आंधिले
निर्मम बर्षीएको असिनाले
ढुट्टो ढुट्टो पार्दै आएको छ।

भकारी भरेर पसिनाको मूल्य
श्रम गरिएको मनचिन्ते सपना
चकनाचुर चकनाचुर बनेर
धडकन रोकि रोकि
बिवशतामा बांच्नु पर्या छ।

मुटुमाथी ढुङ्गा राखी
हांस्नु पर्या छ।
ओ नेता, ओइ राजनिती,
हरे शिव शिव शिव।
जय नेपाल।
चाम्लिङ वि पि अध्यन प्रतिष्ठान हङकङका अध्यक्ष हुन।

Leave a Reply