Sunday, January 24, 2021
Home > mophosala > ओ! माननियज्यूहरु, जाग्नुस निद्राबाट; माेति चाम्लिङ

ओ! माननियज्यूहरु, जाग्नुस निद्राबाट; माेति चाम्लिङ

दलिय प्रणालीमा सभापतीलाई असिमित अधिकार दिनु पनि घातकै हुंदो रहेछ। नेपाली कांग्रेसका सभापती देउवाले मनोमानी भटाभट काम कुरो दुवै बिगार्दै जान्छन् पछि पछि प्रवक्ताले राटा नबिराई सुधार्दै आउने गरेका छन्। नेपाली कांग्रेस संस्थापन पक्षको यस्तो प्रकारले अबिराम शीलशीला चल्दै आएको छ र देउवा दाइको कार्यकाल भरी अबिचलित चली नै रहने छ।
संबैधानिक निकायहरुमा अख्तियार दुरुपयोग अनुसन्धान आयोगका तीन आयुक्तहरुको पद खाली छ। पार्टी केन्दृय समितिमा छलफल नै नगरी सभापति देउवाले एकजना आफ्नो मान्छे टिपेर लाने कसरत गरिरहेका छन्। त्यसरि पार्टिमा छलफल नै नगरी अदुअआका आयुक्त बनेर जाने देउवाको गोजिकै मान्छे हुनेछन्। यस्तो प्रवृत्ती देशकै निम्ति घातक हो।
उसैगरी उपसभामुख जस्तो संबैधानिक पद खाली भएको कंयौं महिना बितेर बर्षदिन पुग्न लाग्यो अपितु प्रमुख प्रतिपक्षी दल नेका चिलाइ न कनाई बसेको छ । सदन प्रतिपक्षको, सरकार सत्ता पक्षको भन्ने लोकतन्त्रको सौन्दर्यलाई बुझेका छौं भन्ने प्रतिपक्षका सांसदहरु समेत यस बिषयमा एक शब्द नबोली बसेका छन्।
यो के गर्न खोज्या हुन् ? कथंकदाचित बहालवाला सभामुखको पद रिक्त हुन गएमा संबैधानिक संकट कति गहिरिएर जाला भन्ने हेक्का समेत राखेको पाइएन। बर्तमान सभामुखको पद रिक्त हुनै सक्तैन भन्ने शतप्रतिशत यकिन कसले गर्न सक्छ? हामी मानिस हौं हाम्रो मृत्यु कतिबेला हुन्छ कसैलाई थाहा छैन।
बिबिध कारणले राजिनामा दिने अवस्था आइपर्न सक्छ। भबिततब्य तेसो भैहालेमा संबैधानिक संकट त अवश्य उत्पन्न हुने छ। खै यतातिर के कारणले हो कसैको ध्यान गएकै छैन। मन लागि भत्ता तलब बुझेर मात्रै त सदनको गरिमा कसरी कायम रहन्छ? ओ! माननीय ताननियज्यूहरु! ब्युंझनुस निन्द्राबाट। अनि जाग्नुस होशमा।
जय नेपाल।
माेति चाम्लिङ वि पि अध्ययन प्रतिष्ठान हङकङका अध्यक्ष हुन।

Leave a Reply