Friday, August 7, 2020

Home > mophosala > मनकारी सई को आर्थिक सहयोगमा क्वारेन्टाइनमा खाजा वितरण

मनकारी सई को आर्थिक सहयोगमा क्वारेन्टाइनमा खाजा वितरण

घाेडाघाेडी नगरपालिकामा स्थायी  घर भै हाल काठमाडौंमा कार्यरत नेपाल प्रहरीका SI नेत्र बहादुर शाहिको आर्थिक सहयोगमा क्वारेन्टाइन मा खाजा तथा पानी वितरण गरिएको छ । घोडाघाेडी नगरपालिका अन्तर्गत वडा नम्बर १ स्थित कालिका आधारभूत विद्यालय र छडी माध्यमिक विद्यालयमा राखिएका १सय १ जनालाई स्थानीय युवा क्लबको समन्वयमा खाजा स्वरूप चना, अन्डा र पानी वितरण गरिएको हो । आफ्नो गृह क्षेत्रमा क्वारेन्टाइन को बसाई गरिरहेका मानिसहरूलाई यो संकटका बेलामा प्रत्यक्ष सहभागीमुलक सहयोग गर्न नपाएपनी आफुले केही रकम पठाई सहयोग गर्ने आग्रहमा स्थानीय सरकार र युवा क्लबले शाहिको आग्रहलाई सम्मान गर्दै खाजा वितरण गरिएको हो । 

सधैं सकारात्मक र सहयोगी बिचार व्यक्त गर्ने शाही ले आफुले गर्न पाएको यो सानो सहयोग ले ठुलो उपलब्धि नभएतापनी आफुले सामाजिक उत्तरदायित्व महसुस गरेको बताए । उनले देश नै महामारीको जटिल संकटमा परिरहेको बेला एक अर्काको आलोचना गर्न छोडेर  सबैलाई हातेमालो गर्दै सहयोगमा जुट्न समेत आग्रह गरेका छन । प्रहरी नायव निरीक्षक शाही को सहयोगलाई सम्मान गर्दै स्थानीय तथा युवा क्लब लगायत क्वारेन्टाइनमा बस्नेहरूले समेत धन्यवाद व्यक्त गरेका छन । 

Leave a Reply