Saturday, March 28, 2020

Home > mophosala > कालिकोटका होमस्टे संचालकलाई तालिम

कालिकोटका होमस्टे संचालकलाई तालिम

कालिकोट । जिल्लाका बिभिन्न स्थानिय तहमा होमस्टे संचालन गरिरहेका होमस्टे संचालकहरुलाई घरबास व्यवस्थापन सम्बन्धि तालिम दिईएको छ । जिल्ला कृषि विकास कार्यालयले जिल्लाका बिभिन्न स्थानिय तहमा होमस्टे संचालन गरिरहेका व्यवसायीहरुलाई घरबास व्यवस्थापन सम्बन्धि तीन दिने तालिम दिएको हो ।

होेमस्टे संचालन गरिरहेका व्यवसायीहरुलाई होमस्टेमा हुनुपर्ने न्यूनतम मापदण्ड, सरसफाई तथा अन्य व्यवस्थापनका बिषयमा जानकारी दिन होमस्टे संचालकहरुलाई घरबास व्यवस्थापन सम्बन्धि तालिम दिईएको जिल्ला कृषि विकास कार्यालयका प्रमूख बरत बस्नेतले बताए ।

उनले भने, जिल्लाका खाँडाचक्र नगरपालिका, शुभकालिका गाँउपालिका, सान्नीत्रिवेणी गाँउपालिका र नरहरीनाथ गाँउपालिकामा स्थानिय नागरिकको सक्रियतामा होमस्टे संचालन गरिएका छन् । ती होमस्टेहरु व्यवस्थित रुपमा संचालन हुन सकिरहेको अवस्था छैन् । यि सबै होमस्टेहरुलाई व्यवस्थित रुपमा होमस्टे संचालन गराउनका लागि तीन दिनको तालिम दिएका छौँ । तालिमसँगै सबैलाई प्रतिबद्धता पनि गराएका छौँ ।

उक्त घरबास व्यवस्थापन सम्बन्धि तालिममा बाँकेको गाबर भ्यालीमा नमुना होमस्टे गाभर भ्याली सामुदायीक होमस्टे संचालक कृष्ण चौधरी, पतालगंगा सामुदायीक होमस्टे सुर्खेतका संचालक डिलबहादुर चौधरीले सहजिकरण गरेका थिए । गाभर भ्यालीमा नमुना होमस्टे संचालन गरिरहेका कृष्ण चौधरीले होमस्टे संचालन गर्दा गर्नुपर्ने व्यवस्थापन, अतिथि देव भवको रुपमा पाहुँनालाई हृदयदेखी स्वागत गर्ने, स्वच्छ, ताजा, स्वस्थकर अर्गाकि भोजन र खाजाले सत्कार गर्ने, प्रचलित कानुनी मापदण्डहरुको पालना गर्ने, पाहुनाको सुरक्षाको सुनिश्चितता गर्नुपर्ने, मुस्कान सहितको सेवा दिनुपर्ने, मर्यादित मनोरञ्जनले पर्यटकलाई सन्तुष्टि दिने गरी होमस्टे संचालन गर्नुपर्ने बताए । उनले कालिकोट कर्णालीको नाकामा रहेकाले यहाँ होमस्टे संचालन गर्ने व्यवसायीहरुले ठुलो आर्थिक तथा सामाजिक लाभ लिन सक्ने बताए ।

कार्यक्रममा त्रिवेणी सामुदायीक होमस्टेका व्यवस्थापन समिति अध्यक्ष मनराज सिम्खाडा, कर्णाली सामुदायीक होमस्टे पिलीका प्रतिनिधि नरेन्द्रबहादुर मल्ल, रमादेवी आचार्य, माल्कोट होमस्टेका संचालक गजेन्द्रबहादुर शाही लगायतले होमस्टे संचालनका लागि आफुहरुले खोजेको तालिम पाएको बताउदै यसले होमस्टेको व्यवस्थापनमा उल्लेख्य सुधार गर्ने प्रतिबद्धता जनाएका छन् । उनीहरुले भरखरै सुरुवात गरिएका होेमस्टे भएकाले आन्तरिक तथा बाह्रय पर्यटकहरुको आगमन न्यून रहेको बताउदै अबका दिनहरुमा पर्यटकको आकर्षण बढाउने सेवाहरु दिने बतताएका छन् ।

Leave a Reply